Sarkaal ka tirasan Golaha Maxaakiimta oo shacabka Beledweyne usoo jeediyay in ay Hantida iyo Maatida kala baxaan Magaalada Beledweyne.
Sarkaal ka mid ah Saraakiisha Maxkamadaha Islaamka ayaa sheegay in hadii ay Magaalada Beled weyne soo galaan Ciidamada gumeysiga Ethiopia ay kala hor tegayaan Dagaal sidaas darteed, ayuu yiri waa in ay Ganacsatada iyo Maatida isaga baxaan magaalada Baladweyne si aysan cadowgu iyaga ugu ciil bixin oo waxyeelo u gaysan.
Siyaasiyiin ay ka mid ahaayeen Dr C/Qaasim Salaad Xasan iyo Dr Xuseen Cali Axmed oo Dalka Masar uga Qeyb-galay Munaasabad lagu Xusayay Todobaadka Qaranimada Soomaaliya.
Xaflad lagu maamuusayay Munaasabadaha xuriyada Soomaalida oo uu ka soo qeyb galay madaxweynihii hore ee Soomaaliya Dr. C/qaasim salaad Xassan ayaa lagu qabtay Magaalada Qaahira ee Xarunta wadanka Masar.
Maxamed Saleebaan Barre, Nin Soomaali ah oo ku xiran xerada uu sameystay Mareykanka ee lagu aruuriyay Muslimiinta ee Guantanamo.
Muddo toddobo sano ku dhow ayuu Maxamed Saleebaan Barre ku jiray xabsiga Guantanamo ee uu Mareykanku ku hayo boqollaal qof oo ku eedeysan falal argagixiso. Laakiin marna si rasmi ah looguma soo oogin wax dambi ah.
Dowladda Gumeysiga Ethiopia oo ku faantay in dagaalladii ka dhacay Gobollada dhaxe ee Soomaaliya ay ku dishay 71qof Islaamiyiin ah.
Warar ay daabacday Wakaalada Wararka ee Dalka Ethiopia marka magaceeda la soo gaabiyo loo yaqaan ENA oo soo xiganeysay Sarkaal ka tirsan Wasaarada Gaashaandhiga Ethiopia, ayuu sheegay in 71 ka tirsan Kooxaha Al-Shabaab iyo Maxkamadaha oo ka dagaalama Soomaaliya ku dileen dagaal todobaadkan ka dhacay Gobolada Dhexe ee Soomaaliya.
Garoonka diyaaradaha magaalada Muqdisho oo saaka lagu weeraray Madaafiic aad u xoogan.
Bulshada ku nool magaalada Muqdisho ayaa saaka ka furaystay dhegahooda Madaafiic dhawaaqooda aad u xoog badan oo lagu weeraray garoonka diyaaradaha ee magaalada Muqdisho, ka dibna ciidamada gumeysiga Ethiopia iyo kuwa dowlada KMG Soomaaliya waxay xireen wadooyinka gala garoonka diyaaradaha.
Qarax Miino oo lala beegsaday dad u shaqeynayey Ciidamada Gumeysiga Ethiopia oo dhimasho iyo dhaawacba keenay.
War naga soo gaaray magaalada Beledweyne ayaa sheegaya in Saakay Qarax Miino lala beegsaday dad u sheynayey Ciidamada Gumeysiga Ethiopia oo isugu jira rag iyo dumar oo meel jid ah ka bixinayay Miino lagu duugay oo loogu talo galay in lala beegsaday Ciidamada Gumeysiga Itoobiya.
Shacabka Swiss-ka oo la soo hordhigi doono in ay u codeeyaan 30-ka Bisha November 4 Mooshin oo muhim ah.
Dowladda Switzerland ayaa shalay Arbacada ahayd soo dhameystirtay qoorshihii iyo Brogramkii oo la doonayey in Toddobaadka soo socda uu Golaha federaalka uu u codeyn lahaa in aan la aadin fasaxa Kuleelaha oo billaabmaya 11ka bishan Luulyo.
Sheikh Xasan Daahir Aweys oo kusii jeeda dalka Yaman si uu uga qeyb galo shirka lagu heshiisiinayo xubnaha Isbaheysiga ee is khilaafay.
Wararka naga soo gaaraya magaalada Asmara ee dalka Eritrea ayaa sheegaya in Madaxa kooxda ka gadooday Hogaanka sare ee Isbaheysdiga dib u Xoreynta Soomaaliya Sheikh Xassan Daahir Aweys uu ogolaaday inuu ka qeyb galo kulan ka dhici doona dalka Yaman oo ay soo qabanqaabiyeen ergooyin isku dhaf ah kuwaasoo u istaagay sidii loo dhameyn lahaa khilaafkan soo kala dhex galay Hogaanka sare iyo xubnaha qaar ka mid a hIsbayeisga dib u Xoreynta Soomaaliya.
Warar lagu kalsoon yahay oo laga helay ilo muhiim ah ayaa sheegaya in Xukuumada Jarmalka oo horay ugu dhawaaqday in xeebaha dalka Soomaaliya u direyso Ciidamada Badda ayaa la sheegay iney hadda ku sugan yihiin xeebaha badda ee geeska Afrka, markab kuwa ciidamadooda leeyihiin kaasoo lagu magacaabo Preman oo dhaqdhaqaaq ka wada xeebaha dheer ee Soomaaliya.
Safiirka Dowlada Mareykanka ee dalka Ethiopia Mr.D.Yamamoto oo sheegay in ciidamada Ethiopia ay ka wadaan dalka Soomaaliya howlo wanaagsan.
Safiirka dalka Mareeykanka u fadhiya dalka Ethiopia MR. Donald Yamamoto ayaa maanta waxaa uu sheegay in Mareykanka ay la sodaan howlaha ay ka wadaan ciidamada Ethiopia gudaha dalka Soomaaliya, waana kuwa wanaagsan.
Shirweynaha Xoreynta iyo Dib u soo Nooleynta Soomaaliya, ee shalay ka furmay Magaalada Asmara ee Caasimadda dalka Eritrea ayaa galay maalintiisii 2aad, iyadoo qodobo dhowr ahna maanta la iskula soo qaaday shirka.
